Böyük Britaniyanın Baş naziri Keyr Starmer və ABŞ Prezidenti Donald Tramp arasında telefon danışığı baş tutub.

Axar.az xəbər verir ki, bu barədə Britaniya hökumətinin məlumatında deyilir.

Tramp və Starmer Böyük Britaniya və ABŞ arasında sıx tarixi əlaqələri gücləndirmək və ortaq prioritetlər üzərində birgə işləmək səylərini bir daha təsdiqləyiblər.

“Qlobal münaqişələrdən danışarkən, Baş nazir müttəfiqlərin Rusiyanın təcavüzü fonunda Ukraynanı dəstəkləməsi və Ukraynanın mümkün olan ən güclü mövqe ilə təmin olunmasının vacibliyini bir daha təsdiqlədi”, - deyə bildirilib.

Tərəflər həmçinin Yaxın Şərqdəki vəziyyəti müzakirə ediblər və ilk fürsətdə görüşmək barədə razılığa gəliblər.