Yəmənin Ənsarullah hərəkatının (husilər) qırıcıları Qırmızı dənizdə “Harri Truman” təyyarədaşıyan gəmisinə hücum zamanı ABŞ Hərbi Dəniz Qüvvələrinə məxsus F/A-18 qırıcını vuraraq, Britaniya və ABŞ qüvvələrinin birgə hava hücumunu dəf edib.

Axar.az xəbər verir ki, bu sözləri husilərin sözçüsü Yəhya Səriya “Əl-Masira” telekanalının canlı efirində deyib.

“Əməliyyatda səkkiz qanadlı raket və 17 pilotsuz təyyarə iştirak edib”, - Səriya bildirib.

O, həmçinin vurğulayıb ki, ABŞ-ın döyüş təyyarələrinin əksəriyyəti Yəmənin hava məkanını tərk edərək Qırmızı dənizin neytral sularına doğru istiqamət alıb və təyyarədaşıyan gəmiyə hücumu dəf etməyə çalışıb:

"Truman” təyyarədaşıyan gəmisi vurulduqdan sonra mövqeyindən geri çəkildi”.

Qeyd edək ki, bundan öncə ABŞ husilərə zərbə endirilərkən səhvən öz F/A-18 qırıcısını vurduğunu bildirmişdi.