Britaniya Silahlı Qüvvələrinin 14 minə yaxın üzvü döyüş əməliyyatlarına tibbi baxımdan yararsız hesab edilir.

Axar.az xəbər verir ki, bu barədə Böyük Britaniyanın Müdafiə Nazirliyi tərəfindən parlamentə təqdim olunan yazılı bəyanatda bildirilib.

Qeyd olunub ki, orduda 99 min 560 nəfər tam döyüş qabiliyyətinə malikdir. Bununla yanaşı, 14 min 350 nəfər məhdud döyüş qabiliyyətlidir, 13 min 522 nəfər isə ümumiyyətlə döyüşə yararsızdır.

Qeyd edək ki, bir müddət öncə müdafiə naziri Con Hili Britaniya ordusunun ölkəni düşmən hücumundan qorumaq və ya hər hansı bir işğalın qarşısını almaq iqtidarında olmadığını bildirmişdi.