Çeçenistan lideri Ramzan Kadırovun tənqidindən sonra Urus-Martanovsk və Qroznı məhkəmələrinin hakimləri Supyan Yandarov və Zayndi Xusainov istefa ərizəsi yazıblar.

Axar.az xəbər verir ki, bu barədə informasiyanı "Kommersant" qəzeti yayıb. Qəzet Çeçenistanın Ali Məhkəməsinin sədri Maqomed Karatayev və onun müavini Tahil Murdalovun da istefaya gedəcəyini istisna etməyib.

Yandarovla Xusainov öz istefa ərazilərini mayın 5-də, Kadırovun çağırışından dərhal sonra yazıblar.

Qeyd edək ki, Kadırov mayın 5-də İnstaqramdakı statusunda Çeçenistan Ali Məhkəməsinin sədri və daha üç hakimi vəzifəsindən istefa verməyə çağırmışdı: "Əgər onlarda şərəf və əxlaq anlayışı varsa, istefa verəcəklər. Əminəm ki, bu onların həyatında ən düzgün qərar olacaq. Çeçenistanda heç bir hakim haqsız qərar çıxara bilməz".