Türkiyə 2025-ci ildə terrora tamamilə son qoya bilər.

Axar.az xəbər verir ki, bu barədə Türkiyənin “Haber Global” televiziya kanalının saytında dərc olunan “Fürsətlər də var, risklər də. 2025 terrora son qoymaq ilidirmi?” sərlövhəli məqalədə qeyd edilib.

Bildirilib ki, Türkiyə yeni ilə terrora tamamilə son qoymaq hədəfi ilə başlayır: “Türkiyə həm ölkə daxilində, həm də xaricdə terrora son qoymaq üçün çoxtərəfli addımlar atır”.

Təhlükəsizlik eksperti Abdulla Ağarın sözlərinə görə, Suriyanın yeni hakimiyyəti terror təhdidini tamamilə aradan qaldırmasa, Türkiyə istədiyi vaxt yeni əməliyyata başlaya bilər: “Artıq bu nöqtəyə gəlib çıxmışıq”.