Rusiyanın başladığı genişmiqyaslı müharibəyə son qoymağın vaxtının çatıb-çatmadığına Ukrayna özü qərar verməlidir.

Axar.az xəbər verir ki, bunu ABŞ Dövlət katibi Entoni Blinken deyib.

“Onlar gələcəklərinin harada olduğuna və oraya necə çatmaq istədiklərinə qərar verməlidirlər. Hesab etmirəm ki, hazırda xəritədə cəbhə xəttinin olduğu yer çox dəyişəcək”, - o bildirib.

O qeyd edib ki, Ukrayna hər zaman işğal olunmuş əraziyə iddialı olacaq:

“Sual olunur ki, onlar başqalarının dəstəyi ilə itirilmiş əraziləri geri qaytarmağın yolunu tapacaqlarmı? Çətin ki, Putin öz ambisiyalarından əl çəksin. Əgər atəşkəs əldə olunarsa, Putin hesab edir ki, bu, ona dincəlmək, yenidən təchiz etmək və gələcəkdə nə vaxtsa yenidən hücum etmək üçün vaxt verəcək”.