Almaniyanın hakim Sosial Demokrat Partiyası (SPD) öz qurultayında fevralın 23-də keçiriləcək növbədənkənar parlament seçkilərində Olaf Şoltsun kanslerliyə namizədliyinin irəli sürülməsini dəstəkləyib.

Axar.az xəbər verir ki, bu barədə alman mediası məlumat yayıb.

Şoltsun namizədliyini qurultayda iştirak edən 600 nümayəndənin böyük əksəriyyəti dəstəkləyib.

Qeyd edək ki, 2021-ci ilin sentyabrında keçirilən Bundestaq seçkilərindən sonra SPD Yaşıllar və Almaniya Azad Demokratik Partiyası ilə birlikdə qurulan hakim koalisiyaya rəhbərlik edirdi. Sosial demokrat Olaf Şolts isə kansler oldu. 2024-cü ilin noyabrında bu koalisiya dağıldı və Almaniyada növbədənkənar parlament seçkiləri elan edildi.

Hazırda rəy sorğularında SPD CDU/CSU (Almaniya Xristian Demokrat İttifaqı (CDU) və Xristian Bavariya Sosial Birliyi (CSU) blokundan və Almaniya üçün Alternativ Partiyasından sonra üçüncü yerdədir. Sosial demokratları respondentlərin təxminən 15%-i dəstəkləyir.