Güney Azərbaycanın məşhur sənətçisi və aktyoru Haşım Çavuşi ölkədə artan inflyasiya və bahalıqla bağlı hökumətə maraqlı təklif verib.

Axar.az xəbər verir ki, o, bu barədə sosial mediada paylaşım edib.

“Hər gün müxtəlif qida məhsullarının qiyməti durmadan artır və vətəndaşlar daha da ağır vəziyyətə düşür. Bu problemi həll etmək üçün hakimiyyətə təklif edirəm ki, “yeməyi tərk etmə kamp”ları qursun və vətəndaşlar orada qidasız yaşamağın yollarını öyrənsilər”, - o bildirib.

Çavuşi ət, toyuq, yumurta, meyvə-tərəvəz və başqa məhsulların qiymətinin fantastik səviyyədə artdığına diqqət çəkərək, çıxış yolunun ancaq “yeməyi tərk etmə kamp”larının qurulmasında olduğunu söyləyib.

“Bununlada həm vətəndaşların, həm də hakimiyyətin problemi həll olacaq”, - təbrizli sənətçi bildirib.