Paşinyan son açıqlamaları ilə əvvəlki çıxışlarını yumşaltmağa və mənfi təəssüratları azaltmağa çalışır.

Axar.az Globalinfo.az-a istinadən xəbər verir ki, bunu erməni ekspert Vigen Akopyan deyib.

“Cəmiyyətdə bir çox məsələlərdə böyük narazılıq dalğası toplanıb. Odur ki, yaranmış gərginliyi birtəhər neytrallaşdırmaq lazımdır. Ancaq Paşinyan indi dediyi sözlərin cəmiyyət tərəfindən ciddi qəbul olunduğunu düşünürsə, yanılır. Çünki onun reytinqi davamlı olaraq aşağı düşür. Hakim qüvvə 2018-ci ildən bəri 8 dəfə aşağı düşmüş reytinqindən xəbərdardır. Ona görə də hakimiyyət 2026-cı il parlament seçkilərində nəticə əldə etmək üçün hər yola əl atır. Amma əgər Paşinyan Azərbaycanla sülh müqaviləsi imzalamağa nail ola bilməsə, o zaman növbədənkənar seçkilərə getmək mənasız olacaq. Müasir şəraitdə ictimai narazılıq güclü müqavimət dalğasına çevrilə bilər. Müəyyən bir kütlə var ki, onlara səbəb, format, platforma və lider lazımdır”, – deyə Akopyan vurğulayıb.