Konqonun Qoma şəhərində həbsxanadan qaçış zamanı 100-dən çox qadın məhbus zorlanıb və sonra diri-diri yandırılıb.

Axar.az xəbər verir ki, bu barədə “BBC Nyus” BMT-nin hesabatına istinadən məlumat yayıb.

Bildirilir ki, ötən bazar ertəsi üsyançı M23 qrupu şəhəri ələ keçirməyə başlayandan sonra yüzlərlə məhbus Munzenze həbsxanasından qaçıb. Həbsxanada 165-167 qadın kişi məhbusların hücumuna məruz qalıb. Hesabatda qadınların əksəriyyətinin məhbusların həbsxananı yandırmasından sonra öldürüldüyü bildirilir.

Qeyd edək ki, bir milyondan çox əhalisi olan Qoma şəhəri Ruandanın dəstəklədiyi M23 qruplaşması sürətlə Konqonun şərqinə doğru irəlilədikdən sonra ələ keçirilib.