Moskvadakı “Al yelkənlər” yaşayış kompleksində "dxr"in “boks federasiyasının prezidenti”, “Arbat” batalyonunun yaradıcısı Armen Sərkisyanın sui-qəsd nəticəsində öldürülməsindən sonra erməni mətbuatında Ukraynaya xəyanət edən ermənilər haqqında maraqlı faktlar dərc olunur.

Axar.az xəbər verir ki, ekspert Areq Marqaryan Rusiya ordusunun tərkibində Ukraynaya qarşı döyüşən Ayk Sərkisyan haqqında yazıb.

Bildirilib ki, Ermənistanda doğulan Ayk Sərkisyan uzun illər Ukraynada yaşayıb, ukraynalı xanımla ailə qurub, övladları var. Rusiyanın 2022-ci ildə irimiqyaslı hücumundan sonra Sərkisyan vətəndaşı olduğu ölkəni, arvadı və qızını ataraq, müharibəyə getməmək üçün Ermənistana qaçıb.

Bir müddət Ermənistanda yaşlı valideynləri ilə birlikdə yaşayan Sərkisyan daha sonra Rusiyanın müharibə üçün muzdlulara külli miqdarda pul ödədiyini öyrənib və Ukraynaya qarşı döyüşmək üçün Rusiyaya gedib. O, burada böyük pullar müqabilində Ukraynaya qarşı döyüşən xarici muzdlular dəstəsinə qoşulub.

Sərkisyan özü bu barədə etiraf edib: “Həyat yoldaşım və qızıma qarşı əclaf addım atdığımı başa düşürəm. Amma mən belə imkanı əldən verə bilməzdim. Müqaviləm 6 aylıq idi və başa çatanda bank kartıma böyük məbləğdə pul köçdü. Özümə maşın alıb Ermənistana qayıtdım, borclarımı ödədim, maliyyə məsələləri ilə bağlı olan problemlərimi həll etdim, valideynlərimin səhhəti ilə məşğul oldum”.