ABŞ-ın vitse-prezidenti Ceyms Devid Vensin həyatında bəlkə də ən əhəmiyyətsiz hadisələrdən biri baş verib. Uzun və müxtəlif xahişlərdən sonra Vens Nikol Paşinyanla 7-8 dəqiqəlik nəzakətli görüş keçirdi. Görüşə o qədər əhəmiyyət verilməyib ki, sosial mediada aktiv olan ABŞ vitse-prezidentinin ofisi bu barədə məlumat yaymayıb.

Axar.az xəbər verir ki, bunu Ermənistan müdafiə nazirinin keçmiş müavini Artak Zakaryan deyib.

“Təbii ki, bu müddət ərzində ciddi bir şey müzakirə olunmadı. Dövlət başçısını qəbul etmək üçün lazımi protokol olmadan, tələsik görüşdə mühüm məsələləri müzakirə etmək necə mümkün ola bilərdi?

Nikola foto komandasını aldatmaq və ya sakitləşdirmək üçün lazım idi.

Nikol Paşinyanın ABŞ-a səfərinin Ermənistan üçün lazımsız xərclərdən başqa heç bir nəticəsi yoxdur. Onun üçün də”, - Zakaryan bildirib.

Qeyd edək ki, Nikol Paşinyan arvadı ilə birgə ABŞ-a 3 fevralda gedib. Bu gün səfəri başa çatır. Bu müddət ərzində Nikol Paşinyan Tramp komandası ilə heç bir ciddi görüşə nail ola bilməyib.