Vladimir Putin qalib gələ bilməyəcəyini başa düşməyincə müharibəni bitirmək mümkün deyil. Onu məqsədlərinin əlçatmaz olduğuna inandırmaq lazımdır. Bu, sülh sazişinin əldə olunması üçün yeganə əsasdır.

Axar.az xəbər verir ki, bunu ABŞ ordusunun istefada olan generalı, NATO Birləşmiş Silahlı Qüvvələrinin Avropadakı keçmiş komandanı Uesli Klark deyib.

“Sülh düsturunun necə olacağını müəyyən etmək hələ də çətindir və ABŞ-ın Ukrayna və Rusiya üzrə xüsusi nümayəndəsi Keyt Kelloq bir baxış formalaşdırsa da, bu, hər iki tərəf üçün qəbuledilməzdir. Lakin danışıqlar belə gedir. Onlar hər iki tərəfin güclü tərəfləri əsasında formalaşacaq”, - Uesli Klark bildirib.