Rusiya müdafiə naziri Andrey Belousov Kursk vilayətində döyüşən hərbi birləşmələrin komandirlərinə şimali koreyalı əsgərləri “meymun” adlandırmaqdan çəkinməyə çağırıb.

Axar.az xəbər verir ki, bu barədə “Kremlevskaya tabakerka” mənbələrə istinadla məlumat yayıb.

Kanal bildirib ki, bir müddət öncə şimali koreyalı hərbçilər səhvən açdıqları atəş nəticəsində xeyli rus əsgəri ölmüşdü. Məhz bundan sonra ruslar şimali koreyalıları “meymun” adlandırmışdı.

“Başa düşürəm ki, şimali koreyalı müttəfiqlərimiz hələ çox keyfiyyətli döyüşmürlər. Hərbçilərimizin ölümü ilə bağlı başsağlığı verirəm. Amma dostları belə təhqir edə bilməzsən! İstəməzdim ki, bu məlumat Kim Çen İnə və ya onun çevrəsindən kiməsə çatsın. Əks halda, Şimali Koreyadan bizə nəinki qoşun, hətta silah göndərməyi dayandıracaqlar. Və bundan kim faydalanacaq?”, - Belousov bildirib.