Son 10 il ərzində Gürcüstan Daxili İşlər Nazirliyi və Təhlükəsizlik Xidməti nüvə və radioaktiv maddələrin qaçaqmalçılığı ilə bağlı 24 fakt aşkar edib.

Axar.az xəbər verir ki, bu barədə informasiyanı Gürcüstan mətbuatı dövlət qurumlarının rəsmi statistik informasiyalarına əsasən yayıb. Mətbuat son 10 ildə məhz bununla əlaqədar olaraq 70 nəfərin həbs edildiyini bildirib. Gürcüstana radioaktiv maddələr daha çox Abxaziyadan gətirilib. Sonrakı yerləri isə Rusiya və Ermənistan tutur.

Qeyd edək ki, Gürcüstana sonuncu dəfə 2016-cı ilin aprelində Ermənistandan radioaktiv maddə keçirilməsinə cəhd olunub. Nəticədə altı nəfər həbs edilib.