Avropa Birliyi ABŞ-dan maliyyə yardımı başa çatdıqdan sonra Ukraynaya hansı ölkənin nə qədər pul ödəyəcəyini müzakirə edir.

Axar.az Publika.az-a istinadən xəbər verir ki, bu barədə Macarıstan Baş naziri Viktor Orban hakim "Fides" fraksiyasının iclasında çıxış edərkən bildirib.

Orbanın sözlərinə görə, onlar Macarıstanı Kiyevə ildə 500 milyon avro ödəməyə məcbur etmək istəyirlər, lakin bu, qətiyyən mümkün deyil:

“Amerikalılar Ukraynanı maliyyələşdirməkdən imtina edirlər və Brüssel avropalıları, o cümlədən bizi ödəməyə məcbur etmək istəyir. Artıq masada belə bir təklif var ki, macarlar Ukraynaya ildə 200 milyard forint versin”, - baş nazir qeyd edib.

Orban Ukraynanın hələlik AB-yə üzvlük üçün bir şərt də yerinə yetirmədiyinə diqqət çəkib.