Rusiya Federasiyası genişmiqyaslı işğalın üçüncü ildönümündə - fevralın 24-də Ukraynaya qarşı müharibədə "qələbə" elan etməyə hazırlaşır.

Axar.az Publika.az-a istinadən xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsi məlumat yayıb.

"Rusiya təbliğatçılarına müharibənin ildönümü üçün "qələbə" hekayələrini təbliğ etmək tapşırılıb.

Xüsusilə də Kremlin göstərişi ilə Rusiyanın təbliğat ordusu və xüsusi xidmət orqanları Ukrayna cəmiyyəti arasında ümidsizlik yaratmaq, dövlətimiz daxilində vəziyyətin sabitliyini pozmaq, işğalçılara qarşı mübarizədə təhlükəsizlik və müdafiə qüvvələrimizə mühüm hərbi yardım göstərən tərəfdaş dövlətlər arasında Ukraynanı nüfuzdan salmaq səylərini gücləndirir.

Rusiyanın informasiya hücumları ilə bağlı əsas şeylər arasında aşağıdakı uydurma bəyanatlar yayılır:

“Qərb Ukraynaya xəyanət edib”, “Avropalıların və ukraynalıların fikirlərinin nə Moskvaya, nə də Vaşinqtona dəxli var”, “ABŞ və Rusiya Ukraynanın arxasında hər şeydə razılığa gəliblər”, “Ukrayna hökuməti Ukraynada “qeyri-qanuni”dir, “Ukraynada qeyri-legitimlər” Amerikanın milyardlarla dollarlıq yardımını oğurlayırlar”, - məlumatda bildirilib.