Ermənistan Xarici İşlər Nazirliyi Nikol Paşinyanın həyat yoldaşı Anna Akopyanın ermənistanlı diplomatlara ünvanladığı təhqiramiz ifadələri şərh etməkdən imtina edib.

Axar.az Oxu.az-a istinadla xəbər verir ki, Ermənistan XİN-dən verilən açıqlamada istənilən sorğuya yalnız qaldırılan mövzu və sitatları təsdiqləyən ilkin mənbənin olduğu halda cavablandırılacağı bildirilib.

Xatırladaq ki, fevralın 11-də A.Akopyan sosial şəbəkələrdə erməni diplomatları özlərinə əmin olmayan və nə edəcəklərini bilməyən kompleksli insanlar kimi təsvir edib.

Qeyd edək ki, bu, A.Akopyanın ilk qalmaqallı bəyanatı deyil. O, 44 günlük müharibə (İkinci Qarabağ müharibəsi) zamanı Ermənistan ordusunda 11 min hərbçinin fərarilik etdiyini açıqlamışdı. Sözügedən açıqlama Ermənistanda geniş rezonansa səbəb olmuşdu.