Mən onunla (Putinlə - red.) danışdım. Onu çoxdan tanıyıram, biz birlikdə Rusiya mistifikasiyasından keçmişik (2016-cı ildə Rusiyanın ABŞ seçkisinə “müdaxiləsinə” işarə edir – red.).

Axar.az xəbə verir ki, bu sözləri ABŞ Prezidenti Donald Tramp Rusiya lideri Vladimir Putin haqda danışarkən deyib.

Tramp Ukrayna ilə bağlı razılaşma olacağı təqdirdə Putinin onu pozmayacağına inandığını bildirib:

“Mən onun (Putinin – red.) sözündən dönəcəyinə inanmıram. Razılaşdıqdan sonra onun geri dönəcəyini düşünmürəm. Düşünürəm ki, müqavilə qüvvədə qalacaq. Onların təhlükəsizliyi olacaq”.

Jurnalist Tramp və onun Oval ofisdəki qonağı, Putinə etibar edilə bilməyəcəyini deyən Böyük Britaniyanın Baş naziri Keyr Starmer arasındakı fikir ayrılığına diqqət çəkəndə, ABŞ lideri izah edib:

“Bilirsiniz, bu, etibar və yoxlamadır. Gəlin buna belə deyək: yoxlamalısan, çünki nə baş verə biləcəyini heç vaxt bilmirsən”.