Şimali Koreya son 5 ildə ilk dəfə qərbli turistlərə qapı açıb və onlara ballistik raketlərin nümayiş olunduğu uşaq şousu göstərib.

Axar.az xəbər verir ki, bu barədə “Nyu York Post” məlumat yayıb.

Məlumata görə, ölkə 2020-ci ildə koronavirus pandemiyasından bəri səyahətçilər üçün əlçatmaz olub. Cari ilin fevralın sonundan isə Böyük Britaniya, Fransa, Almaniya və Avstraliyadan gələn turistlər üçün qapısını açıb. Lakin Şimali Koreyada gördükləri əcnəbiləri şoka salıb: onlar Rason bölgəsinə gəlib internet, bankomat yoxluğundan və yolların pis olmasından şikayətləniblər. Üstəlik, turistləri turun təşkilatçıları və hüquq-mühafizə orqanlarının əməkdaşları tərəfindən daim izlənilməsi də narahat edib. Hətta tualetə getmək üçün icazə istəməli olublar.

Daha bir şokedici hadisə məktəblilərin naməlum şəhərin raketlərlə bombalanmasını göstərən nəhəng ekran fonunda təşkil etdiyi rəqs şousu olub.