İordaniya sərhədçiləri Suriya ilə şimal sərhədindən İordaniyaya keçməyə cəhd edən silahlı qaçaqmalçılarla toqquşub.

Axar.az xəbər verir ki, bu barədə “Röyters” İordaniya silahlı qüvvələrinin bəyanatına istinadən məlumat yayıb.

Məlumata görə, toqquşma nəticəsində 4 qaçaqmalçı öldürülüb, qalanları isə Suriya ərazisinə çəkilib:

“Qaçaqmalçılar əlverişsiz hava şəraitindən və qatı dumandan istifadə edərək sərhədi keçməyə çalışıb, lakin İordaniya qüvvələri onların “sızmasının” qarşısını almaq üçün döyüşə başlayıb. Külli miqdarda narkotik və silah ələ keçirilib”.

Qeyd edək ki, yanvar ayında İordaniya və Suriya sərhədlərinin təhlükəsizliyini təmin etmək, silah və narkotik qaçaqmalçılığı ilə mübarizə aparmaq və İŞİD yaraqlılarının yenidən canlanmasının qarşısını almaq üçün birgə təhlükəsizlik komitəsi yaratmaq barədə razılığa gəlib.