Rusiyanın maraqlarına məhəl qoymadan Avropada yeni uzunmüddətli təhlükəsizlik arxitekturasından danışmaq mümkün deyil.

Axar.az xəbər verir ki, bunu Macarıstanın xarici işlər naziri Peter Siyarto "Kossuth" radiosunun efirində deyib.

"Rusiyanın Avropa üçün təhlükə törətdiyini iddia edərək gurultulu danışanlardan deyiləm. Üstəlik, hesab edirəm ki, Rusiyanı nəzərə almadan uzunmüddətli sülhü təmin edən Avropa təhlükəsizlik sistemi qurmaq mümkün deyil", – o bildirib.

Siyarto həmçinin Rusiya ilə diplomatik əlaqə kanallarının bağlanmasını Qərbin strateji səhvi adlandırıb:

"Üç ildir ki, Rusiya ilə açıq diplomatik kanalları saxlamışıq və indi Donald Tramp da o kanalları açıb”.