Ukrayna Prezidenti Vladimir Zelenski "Şevçenko mükafatı"nın təqdimetmə mərasimində çıxış edərkən, tədbirə kostyumsuz gəldiyinə görə bağışlanmasını istəyib.

Axar.az Bakupost.az-a istinadən xəbər verir ki, bununla bağlı video dövlət başçısı aparatının sosial şəbəkə hesabında yayımlanıb.

“Bir daha bütün ukraynalı yaradıcılara öz minnətdarlığımı bildirmək istəyirəm", - o deyib.

Daha sonra təbəssümlə, “Bağışlayın, mən kostyumda deyiləm”, - deyə zarafat edib.

Bundan sonra zalda alqış sədaları qopub.

Qeyd edək ki, Zelenskiyə kostyumsuz olması ilə bağlı irad 28 fevralda Ağ Evdə Donald Trampla görüşündə baş verən mübahisə zamanı bildirilmişdi.