Rusiya hərbi əməliyyatların dayandırılması təklifləri ilə razıdır, lakin onlar uzunmüddətli sülhə gətirib çıxarmalı və Ukrayna böhranının ilkin səbəblərini aradan qaldırmalıdır.

Axar.az xəbər verir ki, bu barədə Rusiya Prezidenti Vladimir Putin belaruslu həmkarı Aleksandr Lukaşenko ilə birgə mətbuat konfransında deyib.

“Biz hərbi əməliyyatların dayandırılması təklifləri ilə razıyıq, lakin elə olmalıdır ki, bu, uzunmüddətli sülhə gətirib çıxarsın və böhranın əsas səbəblərini aradan qaldırsın”, - dövlət başçısı bildirib.

Qeyd edək ki, 11 martda Ciddədə keçirilən görüşdə Ukrayna ABŞ-ın 30 günlük atəşkəs təklifini qəbul edib.