Prezident Donald Trampın planı ABŞ-ı Yaxın Şərqdə çıxılmaz vəziyyətdə qoyar.

Axar.az xəbər verir ki, bunu misirli tarixçi professor Xalid Fəhmi bildirib.

“Trampın planı təkcə bütün beynəlxalq qanunları pozmur, həm də ən fundamental dəyəri, Birləşmiş Millətlər Təşkilatının əksəriyyəti tərəfindən müstəqil ölkə kimi tanınan Fələstinin vətəndaşlarının öz gələcəklərini təyin etmək hüququnu pozur. İsrailin işğal planlarına xidmət edən bu təklif ərəb dünyasında heç bir dəstək tapa bilməz. Hətta Amerikanın müttəfiqləri belə planı dəstəkləmədiklərini açıqlayıblar”, - X.Fəhmi vurğulayıb.

Qeyd edək ki, Tramp Qəzza əhalisinin "bir daha geri qayıtmaq imkanı olmadan" Misir və İordaniyaya yerləşdirilməsini, Qəzzanın isə ABŞ-ın nəzarətinə keçməsini təklif edib.