Rusiya Bakıdakı Rus Evi ətrafında yaranmış vəziyyətin həlli ilə bağlı təkliflərini Azərbaycan tərəfinə çatdırıb və konstruktiv qarşılıqlı yanaşma gözləyir.

Axar.az xəbər verir ki, bunu Rusiya Xarici İşlər Nazirliyinin rəsmi nümayəndəsi Mariya Zaxarova brifinqdə deyib.

“Mövcud vəziyyətin həlli ilə bağlı təkliflərimiz tərəfdaşlarımıza çatdırılıb. Biz Azərbaycan tərəfinin konstruktiv yanaşmasına və hansısa kompromis həllin tezliklə əldə olunmasına ümid edirik”, - Zaxarova bildirib.

Qeyd edək ki, Azərbaycan Xarici İşlər Nazirliyinin tələbi ilə əlaqədar olaraq fevralın 11-də “Rossotrudniçestvo” Rus Evinin Bakıdakı nümayəndəliyi fəaliyyətini dayandırmışdı.