Qaqarin məhkəməsi "Lukoyl" şirkətinin vitse-prezidenti Azad Şamsuarovun oğlu Ruslanın məhkəmə zalındaca həbsi barədə qərar çıxarıb.

Axar.az xəbər verir ki, məhkəmə Şamsaurovu polisin qanuni tələbinə tabe olmamaqda suçlayıb və 15 sutka həbs cəzası kəsib.

Qaqarin məhkəməsi ötən gün "Qelandevagen"in 3 sərnişinindən ikisini 10 və 15 sutkalıq həbs etmişdi. Avtomobilin sürücüsü isə əlavə olaraq 15 sutka və 200 saatlıq ictimai işlərə cəlblə sürücülük hüququndan 2 aylıq məhrum edilib.

Xatırladaq ki, mayın 23-də baş verən hadisə böyük rezonans doğurmuşdu. "Lukoyl" şirkətinin prezidenti Azad Şamsuarovun oğlu Ruslana məxsus bahalı "Qalendevagen" avtomobili ilə gənclər Moskva küçələrində avtoşluq ediblər. Polisin əmrinə tabe olmayan gənclər öz "məharətlərini" videoya da alıblar. Kobud qayda pozuntuları törədən gəncləri Moskva polisi nəhayət ki, dayandırmağı bacarıb.