BMT-nin Baş katibi Antonio Quterreş Ukrayna böhranının həllində vasitəçi olmağa hazırdır.

Axar.az xəbər verir ki, bu barədə baş katibin mətbuat katibinin müavini Fərhan Haq bildirib.

Onun sözlərinə görə, Quterreş hələlik danışıqlar prosesində iştirak edən tərəflərlə əlaqə saxlamayıb, lakin onların razılığını gözləyir.

“Son vaxtlar heç bir zəng olmayıb, lakin baş katib müxtəlif nümayəndələrə açıq şəkildə bildirib ki, əgər tərəflər (sülh prosesində) bunu məqsədəuyğun saysalar, BMT vasitəçilik xidmətlərini göstərməyə hazırdır. Quterreş keçmişdə Moskva və Kiyev arasında vasitəçi kimi çıxış edib, məsələn, Qara dəniz taxıl təşəbbüsü çərçivəsində. Əgər şərait imkan versə, o, bunu yenidən etmək istərdi”, – Fərhan Haq əlavə edib.

Qeyd edək ki, ötən ilin oktyabrında BMT Baş katibi Antonio Quterreş Kazanda keçirilən BRİKS sammitində iştirak etdiyi üçün Ukrayna Prezidenti Vladimir Zelenski onun Kiyevə səfərini rədd etmişdi.