İsrailin paytaxtı Təl-Əvivin Həbim meydanında keçirilən hökumət əleyhinə həftəlik nümayişdə bir neçə min insan iştirak edir ki, bu da əvvəlki həftəsonu ilə müqayisədə ciddi artımdır.

Axar.az xəbər verir ki, bu barədə "Tayms of İsrail" məlumat yayıb.

Bildirilib ki, əvvəlki həftələrdə etirazçılar Həbim meydanının təxminən yarısını tutduqları halda, bu həftə bütün meydanı doldurduqları görünür. Səhnədə quraşdırılmış böyük ekranda isə “Diktatura maniyasına son qoyaq” yazılıb.

Qeyd edək ki, nümayişlərin genişlənməsi İsrailin Baş naziri Benyamin Netanyahunun Şin Bet rəhbəri Ronen Bar və Baş prokuror Qali Baharav-Miaranın işdən çıxarıldığını, habelə İsrailin Qəzzada həftələrlə davam edən atəşkəsə son qoyan hərbi əməliyyatları bərpa etdiyini elan etməsindən sonra müşahidə olunub.