Türkiyədə davam edən zorakılıq dalğasına görə məsuliyyəti Cümhuriyyət Xalq Partiyası və onun sədri Özgür Özəl daşıyır.

Axar.az xəbər verir ki, bunu Türkiyə Prezidenti Rəcəb Tayyib Ərdoğan Ankarada hökumət iclasından sonra deyib.

Ərdoğan bildirib ki, müxalifət korrupsiya, soyğunçuluq və rüşvətxorluq ittihamlarına cavab vermək əvəzinə, beş gün ərzində qanunsuz bəyanatlar verib:

“Bütün bunlara parlamentdə baxılacaq və bununla bağlı hüquqi hesabatlar məhkəməyə təqdim olunacaq”.

Qeyd edək ki, 19 martda saxlanılan İstanbul Böyükşəhər Bələdiyyəsinin sədri, CHP-çi Əkrəm İmamoğlu 23 martda korrupsiya ittihamı ilə həbs edilib və vəzifəsindən uzaqlaşdırılıb. Ə.İmamoğlu saxlanıldığı gündən Türkiyənin müxtəlif şəhərlərində, xüsusən İstanbulda CHP-çilərin aksiyaları keçirilir.