İran xarici işlər naziri Abbas Arakçı ilə türkiyəli həmkarı Hakan Fidan arasında telefon danışığı baş tutub.

Axar.az xəbər verir ki, bu barədə İran mətbuatı məlumat yayıb.

Telefon danışığında nazirlər Yaxın Şərqdəki vəziyyət və Yəmənə ABŞ-ın hücumları müzakirə edilib.

Bundan əlavə, ikitərəfli münasibətlər də gündəmə gətirilib.

Abbas Arakçı Türkiyədəki proseslərə (İBB başqanı Əkrəm İmamoğlunun həbsindən sonra başlayan kütləvi etirazlar - red.) də toxunub və bildirib ki, bu, Türkiyənin daxili işidir:

"Əminik ki, Türkiyənin səlahiyyətli orqanları bu hadisələri türk xalqının mənafeyinə uyğun şəkildə idarə edəcək".