Ukraynadakı böhranın davam etməsi ABŞ üçün strateji risklərin və Vaşinqtonun NATO-dakı Avropa müttəfiqləri arasında narahatlığın artmasına səbəb ola bilər.

Axar.az xəbər verir ki, bu barədə ABŞ Milli Kəşfiyyat İdarəsinin hesabatda deyilir.

"Bu müharibə Kiyevin döyüş meydanında mövqeyinin tədricən, lakin davamlı olaraq zəifləməsinə gətirib çıxaracaq. Rusiya-Ukrayna müharibəsinin davam etməsi Vaşinqton üçün genişmiqyaslı müharibəyə çevrilməsinə dair strateji risklər, nüvə silahının potensial istifadəsi, NATO müttəfiqləri arasında, xüsusən də Mərkəzi, Şərqi və Şimali Avropada etibarsızlıq hisslərinin dərinləşməsi, Çin və Şimali Koreyanın yüksəlişi kimi strateji risklər yaradır", - hesabatda qeyd olunur.