Paşinyanın, Ermənistanın Rusiya ilə əməkdaşlığa qayıtması qeyri-mümkündür, çünki hamı başa düşür ki, Paşinyan bunu niyə və nəyə görə edir. Məlum oldu ki, Paşinyan nə Fransaya, nə də ABŞ-a lazımdır. Amma o, artıq yeni bakirəliyini bir daha Rusiyaya sata bilməyəcək. Hazırda Ermənistan üçün ən mühüm problem KTMT-dən necə çıxmaq və Aİİ-də qalmaqda davam etməkdir. Bu utopiyadır. Paşinyan Ermənistanı təcridə və xalqın kütləvi surətdə köçməsinə, dövlətçiliyin ləğvinə aparır.

Axar.az xəbər verir ki, bu sözləri rusiyalı politoloq Modest Kolerov “Hraparak”a müsahibəsində Nikol Paşinyanın komandasına Rusiya ilə münasibətləri bərpa etməyi tapşırmasını şərh edərkən deyib.

O bildirib ki, Paşinyan eqoist və rusofob olduğu üçün bunu bilərəkdən edir:

“Paşinyanın Rusiya ilə döyüşməsinin ermənilər üçün ağır humanitar nəticələrə səbəb olacağı onun vecinə deyil”.

Kolerovun sözlərinə görə, Paşinyanın əsas ümidi Fransaya idi, amma Makron tezliklə gedəcək və onun bütün layihələri sıfırlanacaq:

“AB üçün Ermənistan çox uzaqda, dünyanın sonundadır. Bundan əlavə, Avropa Birliyi Türkiyə, İran və Gürcüstana qarşı soyuq müharibə aparır. Ona görə də AB Ermənistana fiziki kömək edə bilməz. Hesab edirəm ki, AB-nin ermənilər üçün edə biləcəyi maksimum şey ukraynalılarla olduğu kimi, erməniləri Ermənistandan çıxarmaq ola bilər. Avropa Birliyi artıq qaçqın ukraynalılara dəstəyi dayandırır; əvəzində Ermənistandan erməniləri qəbul edə bilər. Amma bu, sadəcə olaraq Ermənistanı boşaldacaq və Paşinyan Parisdə fəlsəfə professoru olacaq”.