Vəziyyət kəskin şəkildə dəyişir. Rusiya və ABŞ münasibətləri cüzi yaxşılaşmadan sonra yenidən pisləşməyə doğru gedir.

Axar.az xəbər verir ki, bunu rusiyalı politoloq Sergey Markov deyib.

"Moskvada son günlər baş verən hadisələrdən belə nəticə çıxır:

- Tramp Rusiyanı yeni sanksiyalarla hədələyib.

- Tramp Böyük Britaniyanın baş naziri ilə Rusiyaya birgə təzyiqlə bağlı razılığa gəlib.

- Tramp Putinin Zelenskinin sülh sazişini imzalamaq üçün legitim olmaması fikrini rədd edir.

- Birləşmiş Ştatlar "Rosselxozbank"ın SWIFT-ə qoşulmasına nail ola bilmir, bu isə o deməkdir ki, Qara dənizdə atəşkəsə başlamaqla bağlı öhdəliklərini yerinə yetirə bilməz.

- Tramp Ukrayna böhranı ilə bağlı Avropanın mövqelərinə çox yaxındır və Avropa Ukraynada sülhün düşmənidir.

Rusiyada çıxarılan nəticə ondan ibarətdir ki, ya Trampın gücü çatmır, ya da real sülhə doğru irəliləmək iradəsi yoxdur. Bu, Trampda alınmır. Ona görə də biz sülhə yox, Qərblə hibrid müharibənin genişlənməsinə hazırlaşmalıyıq", - o bildirib.