Məhkəmənin Saakaşvili haqqında çıxardığı hökmü ədalətsiz hesab edirəm.

Axar.az xəbər verir ki, bu sözləri gürcü politoloq Gela Vasadze Globalinfo.az-a müsahibəsində deyib.

O bildirib ki, “Qızılgül inqilabı”nın nəticəsində keçirilən islahatlar o qədər uğurlu oldu ki, əksər postsovet ölkələrində, o cümlədən Rusiyada örnək götürüldü:

“Nəticələrə baxın, göz qabağındadır. Saakaşviliyə gəlincə isə, o, həm ölkə daxilində, həm xaricdə, həm Qərbdə, həm də Şərqdə dostları tərəfindən xəyanətə uğradı. Amma siyasətdə dost yoxdur”.

Onun sözlərinə görə, Saakaşvilinin əsas “günahı” ölkəni Rusiyadan müdafiə etməsi, Azərbaycan, Türkiyə və Qərb tərəfdaşları ilə əlaqələri gücləndirməsi olub.