Rusiya Federasiyasının Baş naziri Dmitri Medvedyevin oğlu İlya ilk dəfə mətbuata danışıb.

Axar.az xəbər verir ki, o, hazırda Moskva Dövlət Beynəlxalq Münasibətlər İnstitutunu bitirmək üzrədir.

İlyanın sözlərinə görə, onun valideynləri ingilis dili imtahanına görə böyük narahatlıq yaşayıb:

"Anam imtahanı verəndən sonra dərhal zəng etməyimi gözləyirdi, atam isə mesaj yazmağımı".

İlya ilk müsahibəsi zamanı öz hobbilərindən də danışıb:

"Üzgüçülük, futbol, incəsənətlə məşğul olmaq və kino izləmək əsas hobbilərimdir".

Bakalavr təhsili alarkən İlya hüquq firmasında vəkil yardımçısı qismində də çalışıb.

İlya bakalavr təhsili ilə kifayətlənmək fikrində deyil. O, indi magistraturaya hazırlaşır. Yeri gəlmişkən, magistrdən əvvəl İlya hərbi toplanışlar keçəcək.

İlya Rusiya daxilində səyahət etməyi çox sevir. Ən sevdiyi şəhər Sankt-Peterburqdur:

"Baykalda olmaq ən böyük arzularımdan biridir".

Daha öncə jurnalistlər İlya Medvedyevin universitet göstəriciləri haqda məlumat əldə etməyə müvəffəq olub. Göstəricilərə görə, İlya universitetin ən yaxşı 30 tələbəsindən biridir. O, universiteti qırmızı diplomla bitirə bilər.