Argentina ABŞ-ın bu ölkədən idxala rüsumları ləğv etməsi üçün özünün tənzimləyici bazasına dəyişikliklər etmək niyyətindədir.

Axar.az xəbər verir ki, bunu Argentina Prezidenti Xavyer Miley deyib.

“Argentina öz tənzimləyici çərçivəsini Prezident Donald Trampın qarşılıqlı tarif təklifinin tələblərinə uyğunlaşdırmaqda irəliləyəcək. Artıq 16 tələbdən 9-nu yerinə yetirmişik və Xarici İşlər Nazirliyinə, eləcə də Ticarət Departamentinə qalan tələbləri yerinə yetirməyi tapşırmışam”, - o bildirib.

Mileyin sözlərinə görə, onun hökuməti qısa müddətdə ABŞ-la ticarətdə asimmetriyadan xilas olmaq üçün lazımi tədbirlər görmək niyyətindədir.