Nyu York əvvəlki illərdə olduğu kimi, yenə də milyonçuların sayına görə birinci yerdədir.

Axar.az xəbər verir ki, bu barədə “Henley&Partners” şirkətinin hazırladığı hesabatda bildirilib.

Qeyd edilib ki, hazırda Nyu Yorkda 384,5 min milyonçu yaşayır ki, bu da 10 il əvvələ nisbətən 45% çoxdur. Maraqlıdır ki, Nyu York sakinləri arasında aktivləri 100 milyon dollardan çox olan 818 nəfər var.

Milyonçuların yaşadığı ikinci ən böyük ərazi San Fransisko və Silikon Vadisi də daxil olmaqla, San Fransisko körfəz bölgəsidir. Son on ildə burada milyonçuların sayı təxminən iki dəfə - 98% artaraq, 342,4 min nəfərə çatıb.

Bununla belə, milyonçuların sayında rekord artım Çin şəhərlərində qeydə alınıb. Şençjen (142%) və Hançjouda (artım 108%) milyonçuların sayında yüksək artım müşahidə olunur.