Rusiya ABŞ və İran arasında Omanda planlaşdırılan təmasları İranın nüvə dosyesi ətrafında gərginliyin azaldılması istiqamətində müsbət addım hesab edir.

Axar.az xəbər verir ki, bu barədə Rusiya Prezidentinin mətbuat katibi Dmitri Peskov Omanda keçiriləcək danışıqları şərh edərkən deyib.

Onun sözlərinə görə, Moskva danışıqlar prosesinin başlanmasını qeyd-şərtsiz dəstəkləyir və siyasi-diplomatik tənzimlənmə tərəfdarıdır:

“Biz dəfələrlə demişik ki, İranın nüvə dosyesi probleminin siyasi-diplomatik tədbirlər vasitəsilə tənzimlənməsinin tərəfdarıyıq. Əgər bu belə olarsa, bunu, yalnız müsbət qarşılamaq olar”.

Qeyd edək ki, ABŞ və İran nümayəndə heyətləri arasında təmasların birinci mərhələsi aprelin 12-də Omanda baş tutacaq.