Ermənistanın İrandakı səfiri Qriqor Akopyan İran xarici işlər nazirinin müavini, Siyasi və Beynəlxalq Tədqiqatlar Mərkəzinin direktoru Səid Xatibzadə ilə görüşüb.

Axar.az xəbər verir ki, tərəflər ekspert səviyyəsində dialoqun daha da genişləndirilməsinin vacibliyini qeyd ediblər. Onlar həmçinin Ermənistan Xarici İşlər Nazirliyinin Diplomatik Məktəbi ilə İran Xarici İşlər Nazirliyinin Siyasi və Beynəlxalq Tədqiqatlar Mərkəzi arasında mövcud əməkdaşlıqdan bəhs ediblər və birgə proqramların təşkili və təcrübə mübadiləsi imkanlarını müzakirə ediblər.

Görüşdə həmçinin arxiv sənədlərinin mübadiləsi sahəsində əməkdaşlıq məsələləri də gündəmə gətirilib.