ABŞ Rusiyanı cilovlamaq üçün rəsmi Moskvanın yürütdüyü xarici siyasətə qarşı lazım olan reaksiyanı verməlidir.

Axar.az xəbər verir ki, bu sözləri ABŞ-ın Rusiyadakı keçmiş səfiri Maykl Makfol Estoniya mətbuatına deyib.

Onun sözlərinə görə, Rusiya NATO ölkələrini qorxutmaq istəyir:

"Rusiyanın yeritdiyi siyasət son mərhələdə ittifaq üçün təhlükə kəsb etməyə başladı və NATO bir sıra qərarlar qəbul etdi. Rusiya NATO-nun Şərqi və Mərkəzi Avropadakı yeni üzvlərini, o cümlədən Rumıniyanı hava hücumundan müdafiə kompleksləri yerləşdirilməsinə görə qorxutmaq istəyir. Rusiya liderlərinin son vaxtlardakı çıxışı olduqca təxribat xarakterlidir.

Səfir əlavə edib ki, Rusiya Ukrayna iqtisadiyyatını çökdürmək üçün bir sıra addımlar atır.