İstanbulda baş verən 6,2 bal gücündə zəlzələ zamanı Sultanqazidə iki qadın oğurluq niyyəti ilə vətəndaşların təşviş içində tərk etdikləri binaya girib.

Axar.az xəbər veri ki, bu barədə Türkiyə mediası məlumat yayıb.

Hadisə dünən saat 16:00 radələrində Əski Həbiblər məhəlləsində baş verib. Zəlzələdən sonra vətəndaşlar təhlükəsizlik məqsədilə küçələrə axışıb.

Bu vaxt iki qadın boş binaya daxil olaraq birinci mərtəbədəki mənzilləri yoxlamağa başlayıb. Əşyalarını götürmək üçün evə qayıdan sakin iki şübhəlini görüb. Qadınlardan nə etdiklərini soruşduqda şübhəlilər, “Aynur bacının yanına gəldik”, - deyə cavab verib.

Lakin bina sakini həmin mənzildə heç kimin olmadığını, çöldə olan mənzil sahibinə xəbər verəcəyini bildirib. Daha sonra iki qadın cəld binanı tərk etdilər.

Həmin anlar təhlükəsizlik kamerasına əks olunub.