ABŞ Prezidenti Donald Trampın İkinci Dünya müharibəsində əsas qələbə payının ABŞ-a məxsus olduğu barədə bəyanatı pafoslu cəfəngiyyatdır.

Axar.az xəbər verir ki, bu sözləri Rusiya Təhlükəsizlik Şurası sədrinin müavini Dmitri Medvedyev bildirib.

“Tramp bir müddət əvvəl bəyan etdi ki, ABŞ İkinci Dünya müharibəsində əsas rolu oynayıb və o, 8 may tarixini bayram günü kimi təsis edəcək. Bayram pis deyil. Amma bu nəticə pafoslu cəfəngiyyatdır”, - deyə Medvedyev VKontakte sosial şəbəkəsində yazıb.

"Berlini kim aldı, düşməni dörd ildən çox müddətdə kim darmadağın etdi, nankor Avropanı kim azad etdi? Xalqımız lənətlənmiş faşizmi məhv etmək naminə 27 milyon oğul və qızının həyatını qurban verdi. Qələbə Günü bizim bayramımızdır və o, 9 maydır! Necə olubsa, elə də qalacaq", - o əlavə edib.

Xatırladaq ki, Tramp 11 noyabr və 8 may tarixlərini ABŞ-da Birinci və İkinci Dünya müharibələrində qələbə günləri elan edib. O bildirib ki, ABŞ İkinci Dünya müharibəsində digər ölkələrlə müqayisəedilməz dərəcədə böyük töhfə verib.