Rusiya Hərbi Hava Qüvvələrinə məxsus Su-30 tipli çoxməqsədli qırıcı təyyarə Ukrayna tərəfindən dəniz dronu ilə vurularaq məhv edilib.

Axar.az xəbər verir ki, məlumatı Ukrayna Müdafiə Nazirliyinin Baş Kəşfiyyat İdarəsi yayıb.

Kəşfiyyat İdarəsi bunu dünyada ilk dəfə olaraq dəniz dronu ilə döyüş təyyarəsinin məhv edilməsi kimi qiymətləndirib.

Məlumata görə, hücum “Group 13” adlı xüsusi təyinatlı birlik tərəfindən həyata keçirilib və “Magura” adlı pilotsuz dəniz platformasından buraxılan raketlə gerçəkləşib.

Hadisə Rusiyanın Qara dəniz donanmasının qalıqlarını gizlətdiyi Novorossiysk limanı yaxınlığındakı sular ərazisində baş verib. Kəşfiyyat İdarəsi bildirib ki, təxminən 50 milyon dollar dəyərində olan Rusiya qırıcısı havada yanaraq dənizə düşüb.