Putin 9 May paradı üçün yalnız qısa müddətlik saxta sakitlik yaradıb. Niyə saxta? Çünki cəbhədə hücumlar davam edir. Rusiya ordusunun hücumları səngiməyib. Onlar hələ də ön cəbhədəki mövqelərimizə qarşı aviasiya bombalarından istifadə edirlər. Amma hava həyəcan siqnalları səslənməyib. Bu, bir daha sübut edir ki, Moskva öldürmək istəmədikdə, dayana bilər.

Axar.az xəbər verir ki, bu sözləri Ukrayna Prezidenti Vladimir Zelenski deyib.

“Bizim ümumi vəzifəmiz Moskvanı bu prosesi dayandırmağa məcbur etməkdir. Bunun üçün isə birlik və Rusiyaya qarşı ciddi təzyiq lazımdır. Elə güclü təzyiq ki, sülh onlar üçün yeganə çıxış yolu olsun.

30-dan çox ölkənin nümayəndələri ilə birlikdə müharibənin ədalətli və real sonunu necə yaxınlaşdırmaq, təhlükəsizliyi necə təmin etmək barədə müzakirələr apardıq. Bu məqsədlə birlikdə çalışırıq və Ukraynaya verilən qəti dəstəyi yüksək qiymətləndiririk. Yaxşı nəticələr gözləyirik”, - Zelenski bildirib.