Rusiya müdafiə naziri Andrey Belousovun 9 May Qələbə Gününə həsr olunmuş paradda hərbçilərin qarşısına mülki formada çıxması hərbi elitanı qəzəbləndirib.

Axar.az xəbər verir ki, bu barədə Rusiyanın “Kremlyovskaya Tabakerka” Teleqram kanalı mənbələrə istinadla məlumat yayıb.

“Belousov paradda adi kostyum geyinib. Bundan sonra o, Afrika və Orta Asiyadan olan nümayəndə heyətləri ilə görüşə hərbi forma geyinib. Hərbi əməliyyat neçə ildir ki, davam edir və müdafiə naziri Qələbə Günündə adi kostyum geyinir. Bizi təhqir etdi. Hamının, o cümlədən koreyalıların qarşısında biabır etdi. Onların əsgərlərinin parad üçün necə gözəl geyindiyini gördünüzmü?” - mənbə bildirib.