11:41

Moskvanın Şeremetyevo, Domodedovo və Vnukovo hava limanlarında yüzlərlə sərnişin qalıb.

Axar.az xəbər verir ki, bu barədə “Shot” Teleqram kanalı məlumat yayıb.

Bildirilib ki, Ukraynanın dron hücumu səbəbindən Vnukovoda azı 13, Domodedovoda hava limanında isə 11 reys gecikib:

“Gözləmə yerində çoxlu sərnişin var, həmçinin uşaqlı olanlar da. Bəziləri gecə saatlarında uçmalı idi, lakin uçuşlar bir neçə dəfə təxirə salınıb”.

***

Moskvanın üç hava limanında uçuş və eniş məhdudiyyətləri səbəbindən 160-dan çox reys gecikir.

Bu barədə Moskva Regionlararası Nəqliyyat Prokurorluğundan məlumat verilib.

Məlumata görə, Domodedovoda 71, Şeremetyevoda 72, Vnukovoda isə 19 reys təxirə salınıb.

Qeyd edək ki, gecə saatlarında Ukrayna Moskvaya 35 dronla hücum edib.