Ukrayna Təhlükəsizlik Xidmətinin 41 Rusiya strateji aviasiya təyyarəsini məhv etdiyi "Hörümçək" xüsusi əməliyyatı il yarımdan çox müddətə hazırlanıb.

Axar.az xəbər verir ki, bu barədə Ukrayna Teleqram kanalları məlumat yayıb.

Məlumata görə, əməliyyata Ukrayna Prezidenti Vladimir Zelenski şəxsən nəzarət edib. Hücum ideyası Ukrayna Təhlükəsizlik Xidmətinin rəhbəri Vasili Malyuk və komandası tərəfindən həyata keçirilib.

Bildirilib ki, əməliyyat logistika baxımından son dərəcə mürəkkəb olub. Əvvəlcə UTX Rusiyaya dronları, sonra isə mobil taxta evləri göndərib. Daha sonra dronlar Rusiya ərazisində yük maşınlarına yerləşdirilən evlərin damları altında gizlədilib. Lazım olan vaxt evlərin damları uzaqdan idarə edilməklə açılıb və dronlar Rusiya bombardmançılarını yandırmaq üçün qalxıb.

UTX-dəki mənbələr bildiriblər ki, bu tarixi əməliyyatda iştirak edən şəxslər çoxdan Ukrayna ərazisindədirlər.