Ukrayna oyun qaydalarını yenidən yazdı. Rusiyadakı hava bazalarına hücum 1941-ci ildə Pyorl-Harbora edilən hücumla müqayisə edilə biləcək tarixi dönüş nöqtəsidir.

Axar.az xəbər verir ki, bunu “Vaşinqton Post”un şərhçisi Maks But yazıb.

Onun sözlərinə görə, Pyorl-Harbora hücum dəniz müharibəsində dominant qüvvə kimi aviadaşıyıcılarını yüksəlişini göstərdi. Ukrayna PUA-larının rus təyyarələrinə hücumu da bütün dünyada hava bazalarının zəifliyini üzə çıxardı:

“Bənzətmə məntiqlidir, çünki hər iki hücum dominant silah sistemlərinin dövrünün keçdiyini göstərir: 1941-ci ildə döyüş gəmiləri, bu gün isə pilotlu təyyarələr. İnşası bir neçə 10 min dollara başa gələn Ukrayna PUA-ları Rusiyanın ən müasir təyyarələrinə 2 milyard dollar ziyan vurdu”.

But bildirib ki, eyni zamanda, ukraynalılar dünyada hər bir generalı gecələr yatmağa qoymayan kritik həssaslıq nümayiş etdirdilər:

“Əgər ukraynalılar Rusiya kimi hərbiləşdirilmiş bir dövlətdə böyük hava bazalarına bu qədər yaxın PUA-lar yerləşdirə bilirlərsə, çinlilərin ABŞ hava bazalarına eyni şeyi etməsinə nə mane ola bilər? Və yaxud pakistanlıların Hindistanın hava bazalarına, şimali koreyalılar Cənubi Koreyanın hava bazalarına. Nəticədə, öz hava bazalarını elektrikləşdirilmiş hasarlar və mühafizə postları ilə təmin etdiklərini düşünən hərbçilər indi ucuz, hər yerdə mövcud ola bilən PUA-ların təhlükəsini nəzərə almalıdırlar. Bu da əks-dron sistemlərinə böyük investisiyalar tələb edəcək. Adi insanlı silah sistemlərinə xərclənən pullar getdikcə 1930-cu illərdə süvarilərə xərclənən xərclər kimi boşa çıxır”.

Analitik qeyd edib ki, Pyorl-Harbora hücum ABŞ hərbçilərinə həlledici zərbə olmadığı kimi “Hörümçək toru” əməliyyatı da Rusiya ordusuna həlledici zərbə deyil:

“Lakin bazar günü baş verən hücum bir daha göstərir ki, ukraynalılar Rusiyanın genişmiqyaslı işğalına başlamazdan əvvəl gözlədiyindən qat-qat möhkəm və adaptasiya ola bilən döyüşçülər olduqlarını sübut edirlər.

Təbii ki, ruslar İranın köməyi ilə öz pilotsuz təyyarələrini yaradırlar. Lakin bazar günü əməliyyatı bir daha göstərdi ki, onlar PUA yarışında ukraynalılardan bir-iki addım geri qalırlar. Eyni zamanda, Ukraynanın bazar günü hücumu da nüvə sabitliyinə xələl gətirə bilər. Çünki Ukraynaya qarşı adi qanadlı raketlər buraxan eyni bombardmançı təyyarələr də nüvə silahı buraxmaq üçün nəzərdə tutulub”.