Urmiya gölünün quruması yalnız ölkənin bir neçə münbit əyalətinə deyil, həm də bütün bölgəyə təsir göstərə bilər.

Axar.az xəbər verir ki, bunu Məsud Pezeşkianın birinci müavini Məhəmmədrza Arif deyib.

O, gölün bərpası üçün yüksək məbləğdə sərmayə qoyulduğunu iddia edib:

“Buna baxmayaraq, yağıntıların uzunmüddətli dövrlə müqayisədə azalması gölün bərpası səylərinin istənilən nəticəni verməsinə mane olub”.

Qeyd edək ki, iyun ayının əvvəlinə olan məlumata görə, Urmiya gölünün sahəsi 1100 kvadrat kilometr, göldə olan su miqdarı isə 1 milyard 550 milyon kubmetrdir.

Xatırladaq ki, gölün minimum ekoloji su həcmi 15 milyard kubmetr, maksimum ekoloji su həcmi isə 30 milyard kubmetr olmalıdır.